قصايد عن يتيمة

يتيمة وضايعة ابهالبر لاتخلوني
ريضوا يالحوادي النوق ويا الحرم ركبوني

فرت ويل قلبي نوب تمشي ونوب تتعثر
اونوب امن الوجل تصرخ او مستوحش عليها البر
تصيح اوياكم اخذوني تراني اعلى المشي مقدر
آنا اوياج مردوفة يسكنة او ماتتانوني


سمعت صوتها سكنة اوغدت تستعطف الحادي
تقله ريض الناقة يتيمة بقت بالوادي
خل تركب تعادلني عليها ذايب افادي
يبويه ضيعتني بين قوم المايرحموني

من صم الصخر قلبك يفاجر ماترد الها
يذوب كل قلب قاسي بواجيها وتوسلها
قال الرجس خليها اذياب البر تاكلها
او منكم يستريح البال بالصايح تأذوني

قالت من على الناقة لذب نفسي ترى للقاع
يتيمة وتنتخي ا بلوعة ومدهوشة او قلبها ارتاع
يربي او خايفة تمشي ابهالرمضا اوبليا اقناع
انا لو فارقت روحي يهالوادم تلوموني

رد ابن الخنا ابفيضه على الطفلة اولقاها تحوم
نوب اتطيح بالغبرا اوتجر ونه اونوب اتقوم
اونوب اتصيح يا يابه اولفاها ابسوطه الميشوم
يلوعها وهي تنخي ياهاشم ماتدركوني

لاتنسون الدعاء